अष्ट्रेलियाको समुन्द्रमा डुबेर बेपत्ता नेपालीको पहिचान खुल्यो, खोजी कार्य जारि

अष्ट्रेलिया । अष्ट्रेलियाको सिड्नीमा एक नेपाली विद्यार्थी डुबेर बेपत्ता भएका छन् । साथीहरुसंग रोयल नेशनल पार्क गएका उनी डुबेर बेपत्ता भएका हुन् । उनको खोजी कार्य भइरहेको प्रहरीले जनाएको छ । सिड्नीको रोयल नेशनल पार्कमा रहेको फीगर एट पुल्स भन्ने समुन्द्री पोडी पोखरी नजिकै सो घट्ना घटेको जनाएको छ। साथीसँग घुम्न गएका २२ वर्षिय किङ्स वन इन्सीच्यूटमा पढिरहेको नेपाली युवा चेतन सापकोटा पौडी खेल्ने क्रममा समुन्द्रमा बेपत्ता भएपछि उनको उद्धार जारी रहेको स्थानीय प्रहरीले जनाएको छ।

न्युसाउथवेल्सका माहाबाणिज्यदूत दिपक खड्काले हराइरहेको ब्यक्ति नेपाली विद्यार्थी चेतन सापकोटा भएको र उनको परिवारसम्म पुग्ने कोशिश गरिरहेको बताए। माहावाणिज्यदूत खड्काले न्यु साउथवेल्स प्रहरीसँग नजिकमा रहेर बेपत्ता विद्यार्थीको खोजीमा आफूहरू लागिरहेको बताए। अस्ट्रेलियाको समुन्द्री तटमा पौडी नजानेका कारण दुर्घटनामा परि पछिल्लो वर्ष मात्र करिब आधा दर्जन नेपाली विद्यार्थीले ज्यान गुमाएका थिए। यसरी एकपछि अर्को दुर्घटना हुँदै गर्दा पनि घटनाक्रम नरोकिनुले पानी सुरक्षा सम्बन्धी ज्ञानको अभाव स्पष्ट रुपमा देखिएको छ।

Comments

comments

सम्बन्धित शिर्षकहरु