पेट्रोलियम पदार्थको मूल्य घट्यो,खाना पकाउने ग्याँसको मूल्य यथावत

काठमाडौं । नेपाल आयल निगमले पेट्रोलियम पदार्थको मूल्य घटाएको छ । नेपाल आयल निगमको सोमबार बसेको बैठकले पेट्रोल, डिजेल र मट्टितेलको मूल्य प्रतिलिटरमा २ रुपैयाँका दरले घटाउने निर्णय गरेको हो ।

हवाई इन्धन तथा खाना पकाउने ग्यासको मूल्य भने यथावत राखिएको छ । नयाँ मुल्यअनुसार अब पेट्रोल प्रति लिटर १ सय १२ रुपैयाँ भएको छ भने डिजेल तथा मट्टितेल प्रति लिटर ९९ रुपैयाँ भएको छ ।

समायोजन भएको नयाँ मूल्य सोमबार राति १२ बजेपछि लागू हुने आयल निगमले जनाएको छ । अन्तर्राष्ट्रिय बजारमा इन्धनको मूल्यमा कमी आएको र अमेरिकी डलर कमजोर भएकाले नयाँ मूल्य कायम गरिएको निगमले जनाएको छ ।

निगमलाई अझैपनि पेट्रोलमा प्रतिलिटर ११ रुपैयाँ ४४ पैसा र डिजेलमा प्रतिलिटर ५ रुपैयाँ ८१ पैसा नाफा रहेको छ । यस्तै एलपी ग्यासमा भने प्रतिसिलिन्डर २ सय ८४ रुपैयाँ ८३ पैसा घाटा रहेको छ ।

Comments

comments

सम्बन्धित शिर्षकहरु