दर्जनौं पटक रक्तदान गरेर ज्यान जोगाउँदै कुकुर

काठमाडौँ । मानिसले त एकसय पटक भन्दा बढी समय रक्तदान गरेको समाचार आउने गर्छ तर ककुरले पनि दर्जनौं पटक रक्तदान गरेर धेरैको ज्यान बचाएको सुन्दा अचम्म लाग्न सक्छ ।

कुकरको मानिसको जस्तो रक्त समूह हुँदैन । त्यसैले एउटा कुकरको रगत पहिलो पटक दिँदा प्रायः अर्को कुकरलाई मिल्छ, त्यसले गर्दा कुकुरलाई पनि रगत दिने गरिन्छ ।

ललितपुरका भैंसेपाटीस्थित स्नेहा कियर सेन्टरमा रहेको एक जर्मन सेफर्ड पोथी ककुरले तीन वर्षको अवधिमा दर्जनौं पटक रक्तदान गरेर धेरै कुकुरको ज्यान बचाएको छ ।

हाल सेन्टरको संरक्षणमा रहेको उक्त कुकुरको नाम कोपिला हो । कोपिला तीन वर्ष अघि काठमाडौंँको स्वयंभु क्षेत्रमा विरामी अबस्थामा फेला परेको थियो । कसैले घरमा पालेको र पछि राम्रो हेरचाह नभएका कारण शरीरभरि तुतो फैलिए पछि सडकमा छाडिएको थियो ।

स्नेहा कियर सेन्टरीका संस्थापिक स्नेहा श्रेष्ठका अनुसार दुई महिनाको उपचार पछि कोपिला ठीक भई । अहिले धेरैले कोपिलालाई ‘एडप्ट’ गर्न आग्रह गरे पनि उहाँले दिनु भएको छैन ।

स्नेहा सेन्टरमा रहेका झण्डै १७० वटा कुकुर मध्ये कोपिला सहित चार वटा कुकुरले रक्तदान गर्ने गरेका छन् । रक्तदान गर्ने कुकुर निरोगी हुनु पर्छ । जुनपायो त्यही कुकुरले रक्त दान गर्न सक्दैनन् । नेपालमा कुकुरलाई रगत दिने चलन चार पाँच वर्ष अघिदेखि थालिएको भए पनि त्यति धेरै प्रचलनमा नभएको एनिमल मेडिकल सेन्टरका चिकित्सक सुशीलकुमार पौडेल बताउनुहुन्छ ।

उहाँले कुकुरको रगत अर्को कुकुलाई दिँदा पहिलो पटक ९५ प्रतिशतसम्म ‘म्याच’ हुने गर्ने तर पनि आफूले ‘क्रस म्याच’ गराएर मात्र दिने गरेको बताउनुभयो ।

ककुरको रक्त समूह भए पनि मानिसको जस्तो धेरै समूह नहने र रगतको ‘रियाक्सन’ पनि मानिसमा जस्तो जटिल हुँदैन ।

पौडेलका अनुसार दुर्घटनामा घाइते भएका र केही रोगका कारण रगतको कमी भएका कुकुलाई अर्को स्वस्थ कुकुरको रगत दिने गरिन्छ । अाजको गोरखापत्र दैनिकले खबर छापेको छ ।

Comments

comments

सम्बन्धित शिर्षकहरु