उत्साहित देखिएका वामदेव दिक्क भएर आफै पछाडि हटे,सांसद बन्ने योजना चक्नाचुर !

काठमाडौं । चौतर्फी आलोचना भएपछि वामदेव गौतम उपचुनावमाफर्त संसद्मा छिर्ने योजनाबाट पछि हटेका छन् । पार्टीभित्र र बाहिरबाट आफूमाथि तीब्र आलोचना भएपछि केही शीर्ष नेता र आफू निकट नेतासँगको परामर्शपछि गौतमले सांसद् बन्ने योजनाबाट पछि हट्ने मनस्थितिमा पुगेका हुन् ।

उनले सम्भवत शुक्रबार विज्ञप्तिमार्फत आफ्ना धारणा सार्वजनिक गर्ने छन् । ‘समय, परिस्थिति र भूगोल छनौट पनि उपयुक्त नभएको, चुनावमा लड्ने योजनाले पार्टी र स्वंम वामदेवमाथि आक्रमण तीव्र भएकोले अब उहाँ प्रतिनिधिसभामा जाने विषयमै पुनर्विचारको अवस्थामा पुग्नुभएको छ’, गौतम निकट एक नेताले भने, ‘उहाँले अब वक्तव्यमार्फत आफ्ना कुरा सार्वजनिक गर्नुहुन्छ।’

सामाजिक सञ्जाल र पार्टीभित्रै गौतमको आालोचना भएको थियो । गौतमका लागि काठमाडौं ७ का सांसद रामवीर मानन्धरले पदबाट राजीनामा दिने भनेर पत्रकार सम्मेलन नै गरेका थिए । मानन्धरले नेपाल कम्युनिस्ट पार्टी (नेकपा)का दोस्रो तहका अध्यक्ष पुष्पकमल दाहाल प्रचण्डलाई गौतमका लागि पदबाट राजीनामा दिन तयार रहेको पत्र बुझाएका थिए ।

गौतमका लागि उपचुनावमाफर्त संसदमा छिर्ने योजनाबाट पछि हटेका छन् । तीब्र आलोचना भएपछि आफू निकटका केही नेतासँगको परामर्शपछि गौतमले सांसद् बन्ने योजना तत्कालका लागि त्याग गरेका हुन् ।

पार्टी एकताको सुत्रधार आफू प्रतिनिधिसभामा नुहँदा संसद् र सरकारको काम प्रभावकारी बन्न नसकेको भन्दै गौतमले सांसद् प्रवेशलाई महत्व दिएका थिए । संसद् प्रवेशको गौतमको चाहनलाई पार्टीभित्रै धेरै नेताले शंकाको दृष्टिले हेरेका छन् ।

प्रतिनिधिसभा पुग्नका लागि गौतमले पार्टी सांसदलाई राजीनामा गराउने प्रयत्नमा धेरै अघिदेखि लागे पनि सफल भएका थिएनन् । काठमाडौं ७ का सांसद रामवीर मानन्धरले ठाउँ छाड्न तयार भएपछि गौतम निक्कै उत्साहित देखिएका थिए । बुधबारबाट भने उनी काठमाडौं ७ मा चुनाव लडने योजनाबाट हच्किएका छन् ।

गौतमले आफूविरुद्ध पार्टीभित्रै घेराबन्दी गर्ने खेल भएको भन्दै उपनिर्वाचनबाट सांसद बन्ने योजना त्याग गरेको स्रोतले जनाएको छ ।

गौतमले नेकपाका दोस्रो तहका अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल, महासचिव विष्णु पौडेल, नेता घनश्याम भुषाललगायतसँगको परामर्शपछि चुनावबाट पछि हटने मनस्थिति बनाएका छन् ।

गौतमकी पत्नी तुलसा थापा गौतम भने काठमाडौं ७ का विषयमा पार्टी निर्णय कुरेर बसेको बताएकी छिन् ।

गौतम सुरक्षित स्थानको खोजी गर्दै बर्दिया २ का सन्तकुमार थारु, पूर्वी रुकुमकी कमला रोक्का, नवलपुर २ का तिलक महत, दैलेख १ का रवीन्द्रराज शर्मा, मुगुका गोपाल बम, दैलेखका राजबहादुर बुढा, सुर्खेतका नवराज राउत, डोल्पाका धनबहादुर बुढासँग कुरा गरेका थिए । उनीहरू कसैले पनि गौतमलाई विश्वास गरेनन् ।

गौतमका लागि अनुकुल निर्वाचन क्षेत्र खोज्न महासचिव विष्णु पौडेलले पनि सघाउने प्रयत्न गरेका थिए । महासचिव पौडेलले धनकुटाका राजेन्द्र राई र बाँके ३ का नन्दलाल रोकायासँग छलफल पनि गरेका थिए ।

बैतडीका दामोदर भण्डारी, कञ्चनपुर ३ का दीपकप्रकाश भट्ट, प्यूठानकी राष्ट्रिय जनमोर्चाकी सांसद दुर्गा पौडेलसम्मलाई राजीनाको प्रयास भएको थियो । तर गौतमका लागि कुनै पनि सांसदले सहयोग गर्न तयार भएका थिएनन् ।

Comments

comments

सम्बन्धित शिर्षकहरु