सुप विश्वविद्यालयको केन्द्रीय क्याम्पसका दुई सय विरुवा रोपिए

पप्पु गुरुङ्ग, दोधारा,भदौं २ – सुदूर पश्चिमाञ्चल विश्व विद्यालय केन्द्रीय क्याम्पसमा दुई सय विरुवा रोपिएका छन् । क्याम्पस हाता भित्र विभिन्न प्रजातिका विरुवा रोपिएका हुन् । भीमदत्त नगरपालिका वन वातावरण शाखा, जिल्ला वन कार्यालय र सुप विश्व विद्यालय वातावरण विज्ञान समूहका विद्यार्थीहरुको स्टेप क्लबले शुक्रबार सामूहिक रुपमा वृक्षा रोपण गरेको छ ।

भीनपाका वन वातावरण शाखा प्रमुख जीवछ यादवले स्वच्छ हरियाली बनाउन क्याम्पसमा वृक्षारोपण गरिएको बताए । भीनपाले हरित भीमदत्त भन्ने नारा अघि सारेको उल्लेख गर्दैं उनले भने, ‘यसबाट विद्यार्थीहरुबाट वन वातावरण संरक्षणमा सकारात्मक सन्देश प्रवाह हुन्छ ।’ केन्द्रीय क्याम्पसका प्रिन्सिपल डा. भुपेन्द्र विष्टले विद्यार्थीहरुबाट वन वातावरण संरक्षणका लागि सकारात्मक सन्देश प्रवाह र भावी पुस्ताका लागि प्रेरणाको सोत बन्ने बताए ।

वृक्षारोपण कार्यक्रममा विश्व विद्यालयका वातावरण विषयका शिक्षक तर्कराज जोशी, स्टेप क्लबका अध्यक्ष सहित पदाधिकारी, कर्मचारी र विद्यार्थीहरु सहभागी भएका छन् । भीमदत्त नगरपालिकाले नगरलाई क्लिन सिटी ग्रिन सिटी बनाउने लक्ष्यका साथ एक घर एक विरुवा वितरण र जनचेतना मुलक सरसफाई कार्यक्रम सञ्चालन गर्दै आएको छ । गत आर्थिक वर्षमा भृकुटी माध्यमिक विद्यालय पछाडि जमिनमा डेढ नर्सरी निर्माण गरी डेढ लाख विरुवा उत्पादन गरी वितरण गरिएका थिए ।

Comments

comments

सम्बन्धित शिर्षकहरु