कुन-कुन विषय पर्छन् अष्ट्रेलियामा अध्ययन गर्न जाने विद्यार्थीको रोजाईमा ?

अष्ट्रेलिया । पछिल्लो समय थुप्रै देशहरुले नेपाली विद्यार्थीहरुलाई आकर्षण गरेता पनि उनीहरुको पहिलो रोजाई भने अष्ट्रेलिया हो । उच्च शिक्षाको लागि महंगो मुलुकहरु मध्येको एक अष्ट्रेलियामा अध्ययन गर्न जाने नेपाली विद्यार्थीहरुको संख्या दिन प्रतिदिन बढ्दो छ ।

महंगो मुलुक भइकन पनि नेपाली विद्यार्थीहरु अष्ट्रेलिया तानिनुमा क्यारियर निर्माण र धन आर्जन बाटोमा त्यहाँको सरकारको स्पष्ट नीतिले हो ।

नेपाली विद्यार्थीहरु यसरी बढ्नुमा पढाइसँगै पार्ट टाईममा कामको राम्रो व्यवस्था, अध्ययन पुरा गरिसके पछि पनि ४ वर्षसम्म काम गर्न पाउने व्यवस्था, बैंक ब्यालेन्समा न्यनिकरण बैंक ब्यालेन्सका लागि सबै बैंकबाट स्वीकार्य, पि।आर।को राम्रो अवसर, डिपेन्डेन भिसाको व्यवस्था आदि प्रमुख कारणहरु हुन् ।

अष्ट्रेलियामा आफ्नो अध्ययन पूरा गरिसके पछि अब ब्याचलर र मास्टर पुरा गर्ने विद्यार्थीले दुई दुई वर्ष, मास्टर पछि रिसर्च कोर्ष पूरा गर्नेले ३ वर्ष र पि.एच.डि. पूरा गर्नेले ४ वर्ष काम गर्न पाउने छन् । अष्ट्रेलिया पढाइको लागि मात्र नभई त्यही केही गर्छु भन्नेहरुका लागि पनि राम्रो अवसर भएको मुलुक हो ।

विकसित र ठूलो भौगोलिक अवस्था भएको मुलुक भएता पनि दक्ष जनशक्ति त्यहाँ अझै नपुगेकाले अष्ट्रेलियाले विदेशी विद्यार्थीहरुका लागि त्यही केही गरुन् भन्ने उद्देश्यले पि.आर.को समेत व्यवस्था गरिदिएको छ ।

अष्ट्रेलियामा पि.आर. पाउनको लागि विशेषत अंग्रेजी भाषामा दख्खल, ब्याचलर तथा मास्टरमा राम्रो अंकमा उत्तीर्ण र कुनै एक काममा दक्ष जस्ता कुराहरु पुरा गर्न सकेमा सजिलै पि.आर पाउन सक्छन् । यसका साथै अष्ट्रेलिया जाने जो कोही विद्यार्थीले डिपेन्डन भिसामा आफ्ना सन्तानलाई पनि लान सक्ने भएकोले पनि नेपाली विद्यार्थीहरुको पहिलो रोजाई अष्ट्रेलिया भएको हो ।

अष्ट्रेलिया विदेशी विद्यार्थीहरुको लागि आकर्षक गन्तव्य बनेको छ । यहाँ उपलब्ध धेरै कोर्सहरु, प्रयोगात्मक शिक्षण र कोर्ससंग सम्बन्धित करियरको राम्रो अवसरले गर्दा विद्यार्थीहरुको आकर्षण बढेको हो । यहाँ अष्ट्रेलियामा पढाई हुने १० विभिन्न कोर्सहरुको बारेमा चर्चा गरिएको छ । यी कोर्सहरुमा विदेशी विद्यार्थीहरुको अझ बढी आकर्षण रहेको पाइन्छ ।

कुन-कुन विषय पर्छन् विद्यार्थीको रोजाईमा ?

१.बिजनेस

अष्ट्रेलियामा बिजनेस कोर्स विदेशी विद्यार्थीहरुको पहिलो रोजाई बनेको छ । बिजनेस क्षेत्रमा विद्यार्थीहरुद्वारा मन पराइएका कोर्सहरु :

–बैंकिङ एण्ड फाइनान्स

–म्यानेजमेन्ट एण्ड इन्फर्मेसन सिस्टम

–एकाउन्टिङ

–इन्टरनेशनल बिजनेस

–ह्युमन रिसोर्सेज

–मार्केटिङ

–बिजनेस म्यानेजमेन्ट एण्ड एड्मिनिस्ट्रेसन

धेरैजसो विदेशी विद्यार्थीहरु एमबिए अध्ययनको लागि अष्ट्रेलिया आउने गर्छन् । एमबीए कोर्स १८ महिना देखि ४ वर्षे कोर्स हुन्छ । यो कोर्स पार्ट टाइम र फुल टाइम दुवै विद्यार्थीहरुको लागि अनुकुल हुन्छ ।

२. सूचना प्रविधि (आई.टी)

आईटी पढ्ने विद्यार्थीहरुको संख्या अष्ट्रेलियामा बढ्दो क्रममा छ । यस कोर्समा प्राविधिक र सैद्धान्तिक ज्ञान ज्ञान दिईनुका साथै प्रयोगात्मक शिक्षण गराइन्छ । जसले गर्दा विद्यार्थिहरुले आफूले अपेक्षित व्यवसायिक ज्ञान हासिल गर्न सक्छन् । उपलब्ध समय र पैसा अनुसार विद्यार्थीहरुले यस कोर्स अन्तर्गतका विषय रोज्न सक्छन् ।

३. इन्जिनियरिङ

इन्जिनियरिङमा विद्यार्थीहरुको आकर्षण बढ्दो छ । यस अन्तर्गतका कोर्सहरु यसप्रकार रहेका छन्

–कम्प्युटर साइन्स इन्जिनियरिङ

–इलेक्ट्रिकल इन्जिनियरिङ

–मेकानिकल इन्जिनियरिङ

–बायोमेडिकल इन्जिनियरिङ

–सिभिल इन्जिनियरिङ

–केमिकल इन्जिनियरिङ

–इन्भाएरोमेन्टल इन्जिनियरिङ

–इन्डस्ट्रियल इन्जिनियरिङ

–मेटालार्जिकल इन्जिनियरिङ

–एरोस्पेस इन्जिनियरिङ

४. एग्रिकल्चरल साइन्स

एग्रिकल्चर पढ्ने विद्यार्थीहरुको लागि अष्ट्रेलियामा स्कोप बढिरहेको छ । एग्रिकल्चरल साइन्स पढ्ने विद्यार्थीहरुको संख्या अरु कोर्स पढ्नेहरूको तुलनामा कम हुनाले पनि यो कोर्स पढ्ने विद्यार्थीहरुलाई बढी अवसर छ । यो कोर्सको लोकप्रियता विस्तारै बढ्ने क्रममा छ ।

५. हस्पिटालिटी एण्ड टुरिजम

हस्पिटालिटी र टुरिजममा रोजगारीको बढ्दो अवसरसंगै यो कोर्स पढ्ने विद्यार्थीहरु पनि बढिरहेका छन् । यो कोर्समा डिप्लोमा र एडभान्स्ड डिप्लोमा गर्न सकिन्छ । लामो अवधिको कोर्स पूरा गर्न चाहे स्नातक र स्नातकोत्तर पनि गर्न सकिन्छ ।

६.हेयर ड्रेसिङ

हेयर ड्रेसिङ नयाँ कोर्स हो । केही अलग र नयाँ खोज्ने विद्यार्थीहरुलाई यो कोर्सले आकर्षित गरेको छ । यो कोर्समा विभिन्न सर्टिफिकेट तह र डिप्लोमा तह गर्न सकिन्छ । यो कोर्सले व्यवसायिक ज्ञान दिने हुँदा करियरको राम्रो सम्भावना रहन्छ ।

७. पाइलट लाइसेन्स कोर्स

पाइलट लाइसेन्स कोर्स हिम्मतिलो विद्यार्थीहरुको लागि राम्रो करियर दिने कोर्स हो । यस कोर्समा भोकेसनल पढाई हुन्छ । यो कोर्स अरु कोर्सको तुलनामा केही महँगो हुन्छ ।

८.नर्सिङ

नर्सिङ पढ्ने विदेशी विद्यार्थीहरुको संख्या अष्ट्रेलियामा बढ्दो छ । अष्ट्रेलियामा नर्सिङ्ग पढ्ने विद्यार्थीहरुको लागि करियरको राम्रो अवसर पनि छ ।

९.फोटोग्राफी कोर्स

यो कोर्स विशेषगरि व्यवसायिक फोटोग्राफरहरुको लागि हो,जो आफ्नो ज्ञान र सीप बढाउन चाहन्छन् । फोटोग्राफीमा रुचि राख्ने नयाँ विद्यार्थीहरुले पनि यो कोर्स गर्न सक्छन् । फोटोग्राफी करियरको राम्रो अवसर हो ।

१०.आर्ट्स

आर्ट्स अन्तर्गतका कोर्सहरु

–फेशन डिजाइनिङ

–ईन्टेरीयर डिजाइनिङ

–ज्वेलरी डिजाइनिङ

–ग्राफिक डिजाइनिङ

–फिल्म मेकिङ

यी कोर्सहरु लिने विद्यार्थीहरुको लागि विश्वका धेरैजसो ठाउँमा करियरको राम्रो अवसर छ ।

Comments

comments

सम्बन्धित शिर्षकहरु