यी हुन् सलमान खानको नाममा करोडौँ लुट्ने व्यक्ति, प्रहरीको सूचीमा सिमान्त गुरुङ

काठमाडौं । ‘दबंग, दी सलमान खान लाइभ इन नेपाल’ भन्ने कन्सर्ट गर्ने भन्दै राजधानी तताएको ओडीसी इन्टरटेनमेन्टले करोडौं रुपैंयाको टिकट बिक्री गरी कार्यक्रम रद्द गरेको छ ।
१२ जेठमा गर्ने भनिएको उक्त कार्यक्रम रद्द भएको र अर्को सूचनासम्म पर्खन ओडीसीले फेसबुक पेजमा लेखेको छ । तर अर्को कार्यक्रमको मिती तोकेको छैन । जनप्रहार साप्ताहिकले समाचार छापेको छ ।

सहमतिअनुसारको पैसा पु¥याउन नसक्दा कार्यक्रम रद्द भएको स्रोत बताउँछ । चार वर्ष अगाडि पनि ओडीसी इन्टरटेनमेन्टले करोडौं रुपैंयाको टिकट बिक्री गरी कार्यक्रम रद्द गरेको थियो ।

७ वर्षअघि क्यानेडियन पप गायक ब्रायन एडम्सलाई काठमाडौंमा ल्याएर सबै भन्दा ठूलो कार्यक्रम गरेको भन्दै चार वर्ष अगाडि दीप पर्पल कन्सर्ट गर्ने भन्दै करोड उठाएको ओडीसी इन्टरटेनमेन्टले सलमान खानलाई नेपालमा उभ्याउने घोषणा गरेको थियो । तर सलमान आउने भनेर तोकिएका दुई मितिमा कार्यक्रम हुन सकेन ।

१३ मार्च २०१३ मा ‘दीप पर्पल लाईभ ईन नेपाल’ गर्ने भन्दै ओडीसीले ५ सय देखि दश हजारसम्मका टिकट बिक्री गरि ठगी गरेको थियो । अहिले सोही शैलीमा पाँच हजार देखि २० हजारसम्मको टिकट बिक्री गरेको ओडीसीले सर्बसाधारणको करोडौं रुपैंया चुना लगाएको छ ।

सम्बन्धित निकायले ध्यान नदिँदा सर्वसाधारणको करोडौं रुपैंयामा ओडीसीका प्रबन्ध निर्देशक सिमान्त गुरुङले मोजमस्ती गर्दै आएका छन् । उनै सिमान्त गुरुङले सलमान खान नेपाल ल्याएर फागुन २६ गते शनिबार टुडिखेलमा हुने ‘दबंग, द सलमान खान लाइभ इन नेपाल’ भन्ने कन्सर्ट गर्ने भन्दै सञ्चारमाध्यम समेतठूलै खर्च गरेका थिए ।

एक महिना अगाडी नै रद्द भईसकेको कार्यक्रमको मिडीयामा बिज्ञापन गराएर ओडीसीले २३ जुन सम्म टिकट बिक्री गर्दै आएको स्रोतको दाबी छ । ओडीसीले जारी गरेको सूचनामा अर्को सुचना नआएसम्मलाई कार्यक्रम स्थगित भएको घोषणा गरिएको छ ।

सलमानको नाममा करोडौं उठाएर व्यापारमा लागेका ओडीसीका गुरुङले घाटा हुने भएपछि कार्यक्रम रोकेका थिए । यस बिषयमा ओडिसीको ९८०१२१६००२ मा सम्र्पक गर्दा कार्यक्रम कहिले हुन केही थाहा नभएको र सिमान्त भारत भएको जानकारी दिएका थिए ।

Comments

comments

सम्बन्धित शिर्षकहरु