ओली र प्रचण्डबीच पुनः शीतयुद्ध : एकता गर्ने कि नगर्ने भन्ने दोधारमा प्रचण्ड

काठमाडौं । पार्टी एकताको अन्तिम सहमति गरेका एमाले अध्यक्ष तथा प्रधानमन्त्री केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल, प्रचण्डबीच पुनः शीतयुद्ध सुरु भएको छ । प्रधानमन्त्री ओलीसँग वार्ताका लागि बालुवाटारपुग्दा सहयोगीहरूले कुनै जानकारी नै नदिई सहनै नसक्ने खालको अपमान गरेको जानकारी दाहालले आफू निकटलाई गराएपछि एकता नै भाँडिने बिन्दुमा पुगेको तथ्य खुलेको हो ।

‘राजनीतिक बैचारिक बिषयमा कुनै समस्या छैन, सवै बिषय मिलिसकेको छ, तर केही ब्यवहारजन्य समस्याका कारण प्रचण्ड आफै एकता गर्ने कि नगर्ने भन्ने दोधारमा पुग्नुभएको छ,’ दाहाल निकट केन्द्रीय कार्यालयका एक सदस्यले भने । दाहालले आफू निकट नेतालाई जानकारी गराएअनुसार गत साता वार्ताका लागि बालुवाटार पुग्दा सहयोगीबाट ठूलै अपमान बेहोर्नुपर्यो ।

‘एक घण्टासम्म कोठामा एक्लै बसेँ, त्यहाँ रहेका प्रधानमन्त्रीका सहयोगी र सल्लाहकार कसैले पनि एक कप चियासमेत सोधेनन्,’ दाहालको भनाइ उधृत गर्दै ती नेताले भने, ‘न प्रधानमन्त्रीलाई म आएको जानकारी गराए, न मलाई नै कुनै जानकारी दिए, यति धेरै अपमान सहेर कसरी एकताको निर्णयमा हस्ताक्षर गर्नु ?’

दाहालले निकट नेतासँग प्रधानमन्त्री ओलीलाई एकताबाट टाढा पुर्याउन एमालेभित्रकै केही नेताले उक्साएको र सहयोगीहरू समेत आफूलाई अपमान गरे एकताबाट टाढा भागोस् भन्ने चाहेको निष्कर्षसमेत सुनाएका थिए ।

‘ओली नै एकताबाट भाग्न चाहेको कुरामा त मलाई विश्वास छैन, तर उहाँको सहयोगी टिम पूरै एकताको विपक्षमा छ, जे गर्दा भड्किन्छ, त्यही काम भइरहेको छ,’ दाहालको भनाइ थियो । यता प्रधानमन्त्री ओलीलाई भने दाहालले एक घण्टा कुर्नुपरेको विषयमा अहिलेसम्म जानकारी छैन । एक घण्टा कुरेका दाहालले समेत भेटमा प्रधानमन्त्रीलाई कुनै जानकारी गराएका थिएनन् ।

‘मलाई झोक त चलेको थियो, फेरि काममा ब्यस्थ हुनुहुन्छ, तलकाले बदमासी गरे भनेर कसरी उहाँ ९ओली० लाई दोषी ठान्ने भनेर केही पनि भनिनँ, तर त्यो दिनको अपमान सहन सकिने खालको थिएन,’ दाहालको भनाइ उधृत गर्दै स्रोतले भन्यो । दाहालको सो ब्रिफिङसँगै माओवादी नेता तथा वाइसिएलका अध्यक्षले निरन्तर प्रधानमन्त्री ओलीविरुद्ध सामाजिक सञ्जालमा विषवमन अघि बढाएका थिए ।

केही सीमित नेतालाई दिएको जानकारी तल्लो तहसम्म पुगेपछि माओवादीभित्रको एकताविरोधी सहुमले राम्रैसँग लबिङ अघि बढाएको छ । ‘एकता हुनै लाग्दा सिएमकै त्यति ठूलो अपमान भने भोलि एकतापछि हाम्रो खैरियत छैन, अब एकता हुन दिनुहुन्न,’ ओलीविरुद्ध अभियान चलाउनुअघि एकताविरोधीको निष्कर्ष थियो । स्रोतका अनुसार एकतामा कालो बादल मडारिएको बेला आफूहरूले बल गरे भाँडिने निश्चित रहेको भन्दै अभियान थालिएको छ ।

भारतीय प्रधानमन्त्री नरेन्द्र मोदीको नेपाल भ्रमणअघि प्रधानमन्त्री ओली र दाहालबीच छुट्टै छलफल हुन नसकेको, बालुवाटारमा एक घण्टा कुराएर अपमान गरेको, अरुण–३ जलविद्युत् आयोजनाको शिल्यान्यासमा ऊर्जामन्त्री वर्षमान पुनलाई नराखेको, वन मन्त्रालयसम्बन्धी विषय रहे पनि वनमन्त्री शक्ति बस्नेतलाई नै बाइपास गरेको र मोदी भ्रमणमा माओवादी मन्त्रीहरूलाई भूमिकाविहीन बनाएको आरोपसमेत लगाएर एकताविरोधी अभियान चलाइएको छ ।

बालुवाटार स्रोतले भने प्रधानमन्त्री कार्यालयबाट दाहालले अपमान महसुस गर्ने कुनै काम नभएको जनाएको छ । ‘प्रधानमन्त्रीज्यू नै सबैभन्दा बढी चासो प्रचण्डको विषयमा राख्नुहुन्छ, उहाँ आउनु भएन भन्दै पर्खनुभएको थियो, कसरी कुराउने काम हुन्छ, हामीले जानेर होइन, अञ्जानमा पनि त्यस्तो व्यवहार गरेको छैन,’ दाहालले अपमान महसुस गरेको दिन बालुवाटारमा रहेका एक सहयोगीले भने । दाहालले बालुवाटारमा अपमान भएको भन्ने सूचना पाएपछि प्रधानमन्त्री ओलीले यस विषयमा आफै बुझ्ने काम गरेका थिए ।

दाहालले समेत आफूसँग यस्तो कुरा नगरेको र बालुवाटारमा सबैभन्दा बढी चासो र सोधीखोजी नेतामाथि नै यस्तो व्यवहार गरेको पाइएमा सहयोगीलाई नै बिदा दिने निष्कर्षका साथ प्रधानमन्त्रीले छानबिन अघि बढाएको स्रोतको भनाइ छ । तर, अहिलेसम्म यस विषयमा प्रधानमन्त्रीले अपमान भएको फेला पार्न नसकेको स्रोतको भनाइ छ ।

यद्यपि यस विषयमा प्रधानमन्त्री ओली आफैले पहलकदमी लिएकोले सहमतिअनुसार नै ६ जेठसम्ममा एकता हुनसक्ने स्रोतको दाबी छ । ‘प्रचण्डको मुड ठीक भएमा एकता हुन्छ, उहाँको द्विविधा कायम रहे संभव छैन,’ खुमलटार स्रोतले भन्यो ।

एकतामा सशंकित बनेकै कारण दाहालले मंगलबार एमाले वरिष्ठ नेता माधवकुमार नेपालसँग छलफल गरेका थिए । पार्टी एकता सुरु भएपछि खुमलटारमै भेटन पुगेका वरिष्ठ नेता नेपाललाई अध्यक्ष ओलीका दूतका रूपमा व्यवहार गरेका दाहाल मंगलबार आपैmँ एमाले वैदेशिक मामिला विभागको कार्यालय पुगेर भेटवार्ता गरेका हुन् । सौर्यदैनिकमा समाचार छ ।

Comments

comments

सम्बन्धित शिर्षकहरु