देशले गुमायो एक होनहार न्यूरो सर्जन,जसलाई बिरामीले कुरिरहेका थिए …

चितवन । सोमबार सांँझ वरिष्ठ न्यूरो सर्जन बालकृष्ण थापा आउंँछन् र शल्यक्रिया गर्छन् भन्ने पर्खाइमा एक बिरामी कुरिरहेका थिए । बिहीबार भरतपुरको एलाइभ अस्पतालमा भर्ना भएका पर्वतका ६५ वर्षीय पीताम्बर सापकोटा अकस्मात थापा जहाज दुर्घटनामा निधन भएको थाहा पाएपछि छांँगाबाट खसेजस्तो भए । उनीमात्र होइन, अन्य धेरै बिरामी पनि उनको पर्खाइमा थिए ।

डा थापासंँग टाउकाको शल्यक्रिया गरेर रोगको उपचार गर्ने सापकोटाको चाहना अहिले सपना मात्रै भएको छ । टाउकोमा रगत जमेका कारण उनको दायांँ हात चलेको छैन । डा थापाले टाउकाको दायांँ भागमा रगत जमेको र आफू फर्किएपछि शल्यक्रिया गर्ने जनाएकाले सापकोटा उक्त अस्पतालमा भर्ना भएका थिए ।

बिपी कोइराला मेमोरियल क्यान्सर अस्पतालमा थापाबाटै शल्यक्रियाको पर्खाइमा तीनजना बिरामी अहिले पनि शय्यामै छन् । अस्पतालको न्यूरो विभागमा आइतबार र बिहीबार शल्यक्रिया हुन्छ । अन्य दिनमा २० देखि ४० बिरामी उपचारका लागि आउंँछन् । भरतपुरको चितवन अस्पतालका बिरामी पनि उनको पर्खाइमा थिए । बिपी कोइराला मेमोरियल क्यान्सर अस्पतालमा न्यूरो युनिटमा थापा प्रमुख थिए । उनीसँगै डा बेन्जु लक्ष्मी प्रधानले पनि शल्यक्रिया गर्थिन् ।

प्रधानले भने, “मैले एक्लै शल्यक्रिया गरेकी छैन, उहांँ आएपछि शल्यक्रिया गर्न तीनजना बिरामी शय्यामै छन् ।” उनका अनुसार ढाकामा भएको न्यूरो सर्जरीसम्बन्धी सम्मेलनमा सहभागी हुन डा थापा गएको मंगलबार यहांँबाट काठमाडौँ गएका थिए । उनले विगत छ वर्षदेखि डा थापासंँगै काम गर्दै आएका छन् । न्यूरो विभागमा उनीहरु दुईजनामात्र थिए तर आफूले एक्लै शल्यक्रिया नगरेकाले अब ती बिरामीलाई के गर्ने अहिल्यै भन्न नसक्ने प्रधानले बताए ।

टाउकामा ठूला ट्युमर देखिए दिनमा एउटा र सानो भए तीन वटासम्म शल्यक्रिया गर्ने गरेको प्रधानको भनाइ छ । क्यान्सर अस्पतालमा थापाले २०५८ सालबाट काम गर्दै आएका थिए । राजधानी बाहिर केही वर्षअघिसम्म न्यूरो सर्जन उनीमात्र थिए । त्यसैले जिल्लाका सरकारी र निजी अस्पतालमा न्यूरो सर्जरी उनले मात्रै गर्थे ।

चितवन अस्पताल प्रालिका कार्यकारी अध्यक्ष चूडामणि घिमिरेका अनुसार डा थापा शनिबार फर्कने भनेर आइतबार बिरामी बोलाइएको थियो । उनले भ्याएका बेला दैनिक २० बिरामी हेर्ने गरिन्थ्यो तर उनको फोन नलागेपछि बिरामी फर्किएको घिमिरेले बताए ।

डा थापाले पछिल्लो समय शल्यक्रिया निजी अस्पताल एलाइभमा पनि गर्दै आएका थिए । उक्त अस्पतालका प्रमुख डा प्रमोद लामिछानेका अनुसार विगत सात वर्षदेखि थापाले त्यहांँका बिरामीको पनि शल्यक्रिया गर्दै आएका थिए ।
डा लामिछानेले भने, “बिरामी आउंँदा डा थापा मध्यरातमा पनि अस्पताल आएर शल्यक्रिया गर्नुहुन्थ्यो ।” अर्थोपेडिक सर्जनसमेत रहेका लामिछानेले टाउकोको ट्युमर शल्यक्रियाका लागि उनी देशकै एक नम्बर भएको दाबी गरे । थापाकै प्रयोगका लागि उक्त अस्पतालले रु ६० लाख खर्च गरेर उपकरण खरिद गरेको थियो ।

लामिछानेका अनुसार क्यान्सरको उपचारका लागि सरकारी अस्पताल आएका बिरामीलाई कहिल्यै पनि निजी अस्पतालमा ल्याउन हुँदैन भन्ने मान्यता राख्ने डा थापाले यहांँका मेडिकल कलेज र अन्य निजी अस्पतालमा गएर बिरामी हेर्ने र शल्यक्रिया गर्नेसमेत गर्थे । कुनै अस्पतालका बिरामीमा न्यूरोसम्बन्धी समस्या देखिएमा अन्य चिकित्सकले थापासंँग राय सुझाव लिने गरेका थिए । थापाले काठमाडौँको अल्का अस्पतालमा पनि बिरामी हेर्ने र शल्यक्रिया गर्ने गथे । देशको मध्यभागमा दुर्घटना बढी हुने हुंँदा थापाको जिल्लामा माग र महत्व बढी थियो ।

विमान दुर्घटनामा देशले गुमाएको एक प्रतिभाशाली न्युरो सर्जन गोल्ड मेडलिस्ट थापा कहिल्यै पनि दोस्रो नभएको समकक्षीहरु बताउंँछन् ।

काभ्रेको कुशादेवी–३ मा २०२४ माघ ४ मा जन्मिएका थापा विगत लामो समयदेखि चितवनमा बसोबास गर्दै आएका थिए ।

थापा सानैदेखि मेधावी विद्यार्थी भएको बताइन्छ । प्रवेशिका र प्रमाणपत्र तह पहिलो श्रेणीमा उत्तीर्ण गरेका थापा २०५१ सालको एमबिबिएस ‘टपर’ बिद्यार्थी हुनुका साथै बंगलादेशको ढाकास्थित बंगबन्धु शेखमुजिव विश्वविद्यालयमा विदेशी विद्यार्थीको कोटाबाट एमएस परीक्षामा पास गर्ने पहिलो र आफ्नो ब्याचका ‘गोल्ड मेडलिस्ट’ पनि थिए ।

चिकित्सा क्षेत्रबाहेक थापा साहित्य क्षेत्रमा पनि सक्रिय थिए । उनका दुई कविता संग्रह ‘डाक्टरी कविता’ (२०६१) र ‘डाक्टरका कविता’ (२०६९) तथा निबन्ध संग्रह ‘चिरफार’ (२०७०) प्रकाशित छन् ।
– नारायण अधिकारी (रासस)

Comments

comments

सम्बन्धित शिर्षकहरु


  • राजधानीको नवतनधाममा आयोजित कार्यक्रममा सहभागि संविधानसभाका अध्यक्ष सुभाषचन्द्र नेम्वाङ र सभासद् रामेश्वर […]
  • रणवीरसँगको त्यो पल अझै सम्झिन्छिन् दीपिका
    एजेन्सी । एक अन्तरवार्तामा दीपिकाले आफ्नो पुर्वप्रेमी रणबीर कपुरको बारेमा एक खुलासा गरेकी छिन् जुन कुरा […]
  • ‘रोजगारीका लागि विदेशिनु पर्दैन’
    काठमाडौं। उद्योग मन्त्रालयले आगामी १० वर्षभित्र रोजगारीका लागि युवाहरु विदेशिनु नपर्ने महत्वकांक्षी योजना […]
  • काठमाडौं खतराको सूचीमा, यस्तो छ यसको कारण
    असार २७ । काठमाडौं, लामो समयदेखि संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन युनेस्कोले […]
  • एनआइसी एशियामा कार्यबाहक प्रमुखमा न्यौपानेएनआइसी एशियामा कार्यबाहक प्रमुखमा न्यौपाने
    काठमाडौं । एनआइसी एशिया बैंकले कार्यबाहक प्रमुखमा रोशन कुमार न्यौपानेलाई नियुक्त गरेको छ । शुक्रबार बसेको […]

  • आमाले गरिन हत्या : ससुराली पक्षको उत्पीडन खेप्न नसकी खोलामा डुबाई मङ्गलबार आफ्नै दुई छोरीको हत्या गरेको […]