अाजको साहित्यिक सामग्रीको रुपमा कोपिला घिमिरेको गजल

 

खेतबारीमा अन्नबालि लगाउँदैनन् आजभोलि ।
छिमेकीले अर्मपर्म सघाउँदैनन् आजभोलि ।

गाउँघर नै शून्य भा छ सबै शहर पसे पछि
मिहिनेतको पसिना कोही बगाउँदैनन् आजभोलि ।

आधुनिक कृषी कार्य गर्नुपर्छभन्नेले नै
काम गर्न कुनै जोस जगाउँदैनन् आजभोलि ।

थोत्रो घर छ वुढा वुढी रोगी शरीर धानेका छन्
चुलो वाल्न नसक्नाले अघाउँदैनन् आजभोलि ।

सडक,पानी,स्वास्थ्य चौकी सुबिधा त पुगेकै छन्
तर भए रित्ता बस्ती जगमगाउँदैनन् आजभोलि ।

शून्य भए बनपाखा माली बिहिन फुलबारी छन्
गोडमेल बिना जाई(जुहि मग्मगाउँदैनन् आजभोलि ।

Comments

comments

सम्बन्धित शिर्षकहरु