काठमाडौं २ छोडेर रौतहट रोजेका माधव नेपाल फेरि किन फर्किए काठमाडौं ?

  •  
  •  
  •  
  •  
  •  
  •  
  •  

काठमाडौं । उम्मोदवारका लागि रौतहट र काठमाडौंका तीन निर्वाचन क्षेत्रबाट सर्वसम्मत रुपमा सिफारिस भएका एमालेका वरिष्ठ नेता माधव कुमार नेपाल काठमाडौं २ वाट चुनाव लड्दैछन् ।  काठमाडौं २ बाट सर्वसम्मत सिफारिस भइसकेका नेपाललाई रौतहटका दुई क्षेत्रबाट सिफारिस गरिएको थियो । तर नेपालले काठमाडौं नै रोजे । नेपाललाई रौतहट १ र ४ बाट सिफारिस गरिएको थियो ।संवैधानिक बाध्यता अनुसार नेपालले एउटामात्र क्षेत्रबाट उम्मेदवार बन्न पाउनेछन् ।

२०७० को संविधानसभा निर्वाचनमा नेपाल काठमाडौं २ र रौतहट १ बाट निर्वाचित भएका थिए । उनले पछि काठमाडौं २ छाडेर रौतहट १ कायम गरेका थिए । स्थानीय चुनावमा गृहनगर गौरसहित रौतहटका सबै स्थानीय चुनावमा एमालेले हाले हारेपछि नेता नेपाल काठमाडौंबाट चुनाव लड्ने तयारीमा पुगेका थिए ।

निरन्तर रुपमा बाम दलले विजय हासिल गरेको काठमाडौं क्षेत्र नं. २ मा २०७० सालको उपनिर्वाचनमा नेपाली कांग्रेसले पहिलो पटक बिजय हासिल गरेको थियो । रौतहटबाट समेत बिजयी भएपछि एमाले वरिष्ठ नेता माधव कुमार नेपालले काठमाडौं २ छोडेका थिए, जहाँ पछि उपनिर्वाचन भएको थियो । उपनिर्वाचनमा एमालेका कृष्णगोपाल श्रेष्ठलाई पराजित गर्दै कांग्रेसका दीपक कुँइकेल निर्वाचित भएका थिए ।

रौतहटमा गत स्थानीय तहको निर्वाचनमा एमालेले नराम्रो पराजय हासिल गरेपछि आफू सुरक्षित हुन नेपालले फेरी काठमाडौं क्षेत्र नं। २ लाई रोजेर प्रतिष्पर्धामा उत्रिएका छन् । नेपालसँग प्रर्तिष्पर्धाका लागि कांग्रेसले २०७० को उपनिर्वाचनमा विजय हासिल गरेका कांग्रेसका स्थानीय नेता दीपक कुँइकेललाई मैदानमा उतारेको छ ।

गत स्थानीय तहको निर्वाचनमा काठमाडौं २ मा कांग्रेसले १४ हजार ५ सय १८, एमालेले १९ हजार १ सय ९६, माओवादीले ५ हजार ७ सय ३२ र राप्रपाले ५ हजार २७ मत पाएको थियो । यस आधारमा यहाँ बाम गठबन्धनको पक्षमा २४ हजार ९ सय २८ र लोकतान्त्रिक गठबन्धनको पक्षमा १९ हजार ५ सय ४५ मत रहेको छ । अर्थात बाम गठबन्धन ५ हजार ३ सय ८३ मतले अगाडि रहेको छ ।

नेपाल यसअगाडि निर्वाचित भएपनि उनीमाथि मतदाताका गुनासा धेरै छन् । कांग्रेसका कुँइकेल स्थानीय नेता भएको लाभ उनलाई उन सक्छ । उनले कांग्रेसका अन्य उम्मेदवार भन्दा राम्रो मत पाउने आँकलन गर्न सकिन्छ । यसअर्थमा क्षेत्र नं। २ मा बाम र लोकतान्त्रिक गठबन्धनबिच कडा प्रर्तिष्पर्धा हुने अनुमान गर्न सकिन्छ ।

235 total views, 2 views today


  •  
  •  
  •  
  •  
  •  
  •  
  •  

Comments

comments

सम्बन्धित शिर्षकहरु