आजदेखि सोह्र श्राद्ध शुरु, के गर्न हुन्छ के हुदैन ?

भदौ २१,काठमाडौं । आज बुधवारदेखि पितृपक्ष अर्थात स्रोह्र श्राद्ध सुरु भएको छ । हिन्दु धर्मावलम्वीहरुले यो अवधिमा आफ्ना पितृलाई सम्झेर पुजा गर्ने अर्थात श्राद्ध गर्ने गर्दछन । यसबेलामा केही काम गर्नुपर्छ र केही काम गेरेको अशुभ मानिन्छन ।

– के गर्न हुन्छ के हुदैन ?

.श्राद्ध आफ्नै घरमा गर्नुपर्छ, अर्काको घरमा गर्न निषेध छ ।

.श्राद्धमा तीन वस्तु पवित्र मानिन्छ :छोरीको छोरा ९नाति०, दिनको आठौं भाग र कालो तिल ।

.श्राद्धमा तीन प्रशंसनीय कुरा छन् : बाहिरी र भित्री शुद्धता, क्रोध नगर्ने र हतार नगर्ने ।

.श्राद्धकालमा गीता, भागवत, पितृसूक्त, पितृसंहिता, रुद्रसूक्त, ऐन्द्रसूक्त आदि पाठ गर्नु बुद्धि, मन र कर्म तीनै कुराको शुद्धिका लागि फलप्रद छ ।

-श्राद्धमा प्रयुक्त पवित्र मन्त्र यी हुन् .

.ऊँ क्रीं क्लीं ऐं सर्वपितृभ्यो स्वात्म सिद्धये ऊँ फट् ।

.ऊँ सर्व पितृ प्रं प्रसन्नो भव ऊँ ।

.ऊँ पितृभ्यः स्वधायिभ्यः स्वधानमः पितामहेभ्य स्वधायिभ्यः स्वधा नमः । प्रपितामहेभ्य स्वधायिभ्य स्वधा नमः अक्षन्न पितरो मीमदन्त पितरोतीतृपन्त पितरः पितरः शुन्दध्वम् । ऊँ पितृभ्यो नमः पितराय नमः ।।

-श्राद्धमा गर्न नहुने काम
.पद्मपुराण तथा मनुस्मृतिका अनुसार श्राद्ध देखाउनका लागि गर्ने होइन, गुप्त रूपमा गर्नुपर्छ । धनी हुनुहुन्छ भने पनि श्राद्धमा धेरै खर्च र देखावटी नगर्नुस् अनि भोजनको माध्यमबाट मित्रता र सामाजिक तथा व्यापारिक सम्बन्ध स्थापित नगर्नुस् ।

.श्राद्धको दिन घरमा दही नमथ्नुस् ।

.श्राद्धकै दिन कपाल नकाट्नुस् । अघिल्लो दिन मुण्डन नगर्नुस् ।

.महाभारतका अनुसार भन्टा, गाजर, मसूरोको दाल, रहर, लौका, हींग, प्याज, लसून, बीरे नून, जामुन, सुपारी, सर्स्युँ र चनाको प्रयोग निषिद्ध छ ।

.पितृपक्षमा कुनै पनि मांगलिक तथा शुभ काम गर्न वर्जित छ । यतिखेर कुँवा निर्माण, देव प्रतिष्ठा वा कुनै प्रयोजनका लागि व्रत, उत्सव, उद्यापन र वधू प्रवेश लगायतका कार्य गर्नु हुँदैन ।

.घरमा रंग लगाउन, नयाँ कपडा किन्न, घर, विवाह र विवाहको कुरा झिक्न वर्जित छ । भूमि पूजन, इनार पूजा, संन्यास ग्रहण, व्यापारको श्रीगणेश आदि श्राद्धपक्षमा गर्नु हुँदैन ।

Comments

comments

सम्बन्धित शिर्षकहरु