राष्ट्रपतिद्वारा नवनियुक्त प्रधानन्यायाधीश गोपाल पराजुलीलाई पद तथा गोपनीयताको शपथ

साउन  २, काठमाडौँ । राष्ट्रपति विद्यादेवी भण्डारीले आज नवनियुक्त प्रधानन्यायाधीश गोपाल पराजुलीलाई पद तथा गोपनीयताको शपथ गराउनुभएको छ ।

शीतलनिवासस्थित राष्ट्रपति कार्यालयमा आयोजना गरिएको विशेष समारोहमा राष्ट्रपति भण्डारीले आज नवनियुक्त प्रधानन्यायाधीश पराजुलीलाई पद तथा गोपनीयताको शपथ गराउनुभएको हो ।

सो समारोहमा उपराष्ट्रपति नन्दबहादुर पुन, प्रधानमन्त्री शेरबहादुर देउवा, सभामुख ओनसरी घर्तीमगर, संवैधानिक अंगका प्रमुखहरु, सर्वोच्च अदालतका न्यायाधीशहरु, मुख्य सचिवलगायतको उपस्थिति रहेको थियो ।

व्यवस्थापिका संसद्, संसदीय सुनुवाइ विशेष समितिले आइतबार प्रस्तावित प्रधानन्यायाधीशमा पराजुलीको नाम सर्वसम्मतिले अनुमोदन गरेको थियो ।

गत जेठ २४ देखि कामु प्रधानन्यायाधीशको जिम्मेवारी सम्हाल्दै आउनुभएका पराजुली प्रधानन्यायाधीशमा नियुक्त भएपछि उहाँले आगामी २०७५ वैशाख १५ गतेसम्म कार्यभार सम्हाल्ने छन् ।

विसं २०१० वैशाख १६ गते तनहुँको काहुँ शिवपुरमा जन्मिएका पराजुली लामो समयसम्म कानुन व्यवसायमा संलग्न रहेका थिए। वि.सं २०४७ मंसिरमा तत्कालीन पुनरावेदन अदालतको अस्थायी न्यायाधीशका रुपमा अदालतमा उनकोको प्रवेश भएको हो । रासस

 

3 total views, 3 views today

Comments

comments

सम्बन्धित शिर्षकहरु