सबैभन्दा लामो समुद्री पुलको मुख्य संरचना ७ वर्षपछि निर्माणसम्पन्न

असार २४ । हङकङ, जुहाइ र मकाउलाई जोड्ने सबैभन्दा लामो समुद्री पुलको मुख्य संरचना निर्माणसम्पन्न भएको छ । २९.६ किलोमिटर लामो सो संरचना सात वर्षमा निर्माण सम्पन्न भएको हो । २९.६ किलोमिटरमध्ये २२.९ किमी पुल र ६.७ किलोमिटर सुरुङ मार्ग रहेको छ । पुलमा ४ लाख २० हजार टन स्टिल प्रयोग भएको जनाइएको छ जसबाट ६० ओटा आइफेल टावर निर्माण गर्न सकिन्छ । त्यस्तै हालसम्म पुलमा १० लाख क्युबिक मिटरभन्दा बढी सिमेन्ट प्रयोग भइसकेको छ । पुल निर्माणपछि हङकङ र जुहाइबीचको यात्रा समय ३ घण्टाबाट ३० मिनेटमा झर्नेछ । पुलको सबै खाले परिक्षणहरू सकिएकाले यसलाई केही महिनामै प्रयोगमा ल्याउने तयारीमा रहेको सो पुलको व्यवस्थापकीय निर्देशक झु योङलिङले बताउनु भएको छ ।

Comments

comments

सम्बन्धित शिर्षकहरु