सिड्नीमा बहु धार्मिक र अध्यात्मिक अगुवाहरूको प्रेरणादायी ऐतिहासिक कार्यक्रम सम्पन्न

इश्वर वराल ,सिड्नी ।

सिड्नीमा बहु धार्मिक र अध्यात्मिक अगुवाहरूको प्रेरणादायी ऐतिहासिक कार्यक्रम सम्पन्न भएको छ । हरेक सम्प्रदायको साझा भाषा शान्ति हो भने ‘म मात्र ठुलो हो’ भन्ने भावना हरेकले कसम खाएर त्यागौं भन्दै सामुहिक अभियान शुरु गरिएको थियो ।
हिन्दु, मुश्लिम , क्रिश्चियन ,बुद्धिस्ट ,शिख लगायत ‘ब्रम्ह कुमारी’ ‘हरे कृष्ण ‘र आनन्द मार्ग सम्प्रदायका अगुवाहरूले एकै मञ्चमा उभिएर विभेद अन्त्य गर्ने प्रतिज्ञा गर्दा माहोल रोचक बनेको थियो ।
जब पर्खाल लगाईन्छ , धेरै कुरा बाहिरै पर्छन तसर्थ यो विश्वका लागि साम्प्रदायीक भन्दा विभेद रहित मानवको जरूरि छ भन्दै अध्यात्म र सकारात्मक सोचका अभियन्ता आचार्य राजन शर्माले शुरु गर्नु भएको प्रेरणा दायी प्रवचन बाट समारोह शुरु भएको थियो । उहांले प्रस्तुत गरेको हांस्य योग , मन स्थिर बनाउंने योग मुद्रा तथा कुण्डलिनी ध्यानमा सहभागीहरू कहिले पेट मिचि मिचि हांसेका थिए त कहिले ध्यानकलामा मस्त बनेका देखिन्थे ।
सोहि अवसरमा विश्व शान्ति तथा अध्यात्म- विज्ञान समाज, (जीसपी एस् एस् ) को औपचारिक उद्द्घाटन सम्पन्न भएको थियो । सबै अध्यात्मिक अगुवाहरूले मन्चमा ‘जिसपिएसएस’ को पोस्टर उचालेर शान्ति प्रार्थना गर्नु भएको थियो । सो (जिएस पि एस एस)को ‘आर्ट अफ ह्यापिनेस ” अभियान मार्फत आध्यात्मिक गुरु आचार्य राजन शर्माले विश्वका १४ देशको १६ शहरमा सम्पन सकारात्मक कार्यशाला , योग, ध्यान र विभिन्न शिवरका गतिविधीमा आधारित ‘व्रित्तचित्र ‘प्रस्तुत गरिएको थियो ।
सो अवसरमा मुख्य अतिथि न्यु साउथ वेल्सका महावाणिज्यदुत दीपक खड्काले एउटा नेपालीले विश्वमानव समुदाय लाई सकारात्मक बाटोमा गोलबन्द गराउंने अभियान थाल्नु नेपाली र विश्व मानव समुदायकै गौरव भएको चर्चा गर्दै संस्थाको उत्तरोत्तर प्रगतिको लागि शुभकामना दिनु भयो । उहांले सबै सम्प्रदायको विभेद रहित संकल्पले मानव समुदायको लागि अमुल्य सहयोग पुग्न सक्ने बताउनु भयो । सो अवसरमा ब्रह्नमाकुमारी को तर्फ बाट सिस्टर पार्कर , हरे कृष्ण को तर्फ बाट तिर्थ गौरन्ङ्ग , आनन्द मार्गको तर्फ बाट आचार्य सुचिदानन्द ले जि एस पि एस एस’को शान्ति र सकारात्मक अभियानमा साथ दिने बताउंदै सर्व धर्म समन्वय आजको आवश्यकता भएको जोड दिएका थिए । यस्तै संस्थाका महासचिव विदुर प्रसाद सापकोटाले ‘जिएस पि एस् एस् ‘ले विश्वभरका सकारात्मक सोच र अध्यात्मिक साधक साधिका लाई उहांहरूले मानव सेवामा साथदिनु भएकोमा आभार प्रकट गर्दै “आर्ट अफ ह्यापिनेश ‘अभियान मार्फत विश्वका विभिन्न मुलुकमा यस्ता जीवन परिवर्तनकालागि सन्चालन भई रहेका कार्यक्रम लाई संस्थागत नाम दिइएको उल्लेख गर्नु भयो । सम्यक जीवनको बाटोमा लाग्न सबैलाई सहयोग र प्रेरणा दिनु र साम्प्रदायिक भेदभाव हटाउंन पहल गर्नुनै संस्था को उद्देश्य रहेको बताउनु भयो ।
यस्तै संस्थाका कोषाध्यक्ष चुरामणि वेलवासे ले आपसमा सद्भभाव आजको विश्वको आवश्यकता रहेको बताउंदै हरेकलाई ब्यवहारिक साधना मा लाग्न र लगाउंन आफुहरूले प्रेरणा दिने उद्देश्यकासाथ आचार्य राजन शर्माले एक नेपाली भएर पनि विश्वलाई पुर्याउंनु भएको सकारात्मक सोच र योग कलाको अभियानलाई कदर गर्दै शुभ चिन्तकहरूको आग्रहमा यो विश्व सन्जालको औपचारिक समुद्द्घाटन गरिएको बताउंनु भयो । संस्थाको सह सचिव महेश्वर शर्माले सुन्दर काव्यात्मक प्रस्तुतिका साथ कार्यक्रम सन्चालन गर्नु भएको थियो । संस्थाकी अस्ट्रेलियाली सदस्य सिन्डी ले सबैलाई स्वागत गरेर कार्यक्रम शुरु भएको थियो । कार्यक्रममा ,नेप्लीज पेन्सस कम्युनिटीको’ तर्फ बाट लक्ष्मण श्रेष्ठ , चाईनिज समुदयको तर्फ बाट ली को उपस्थिती रहेको थियो । शङ्ख र घण्ट ध्वनी, अस्ट्रेलियली प्रसिद्द गायिका ‘जुली गिती रोजरको ‘सुन्दर ‘हाङ ‘ प्रस्तुति र सबै धार्मिक नेताहरूको सामुहिक प्रार्थना बाट कार्यक्रम भब्यताका साथ सम्पन्न भएको थियो ।

 

Comments

comments

सम्बन्धित शिर्षकहरु