२५६१औँ बुद्ध जयन्ति सिड्नीमा भब्यताका साथ मनाइने ।

शान्तिका अग्रदूत भगवान गौतम बुद्धको २५६१औँ जन्म जयन्ति सिड्नीमा भब्यताका साथ मनाइने भएको छ। शान्तिको सन्देश छर्ने गौतम बुद्धका उपदेशहरु विश्व भरि फैलाउने कर्तब्य अब हाम्रो पनि हो। हामी विश्वको जुन भूगोलमा रहेपनि आखिर नेपाली नै हौँ र पो गर्व गर्न सक्छौँ ,भगवान गौतम बुद्धको भूमी भनेर। विश्वले शान्ति खोजीरहेको बेला सगर्वले बुद्धका सन्देश सबैतर्फ फैलाउने बेला भएको छ । आगामी १४ मे २०१७ आइतबार सिड्नी स्थित होलविच एभिन्यु टेम्पि रिसर्भमा बिहान ११ बजे देखि विभिन्न प्रस्तुतीहरु सहित बुद्धजयन्ती भब्यरुपमा मनाईने भएको छ। बुद्ध दर्शन समितिले संयोजन गर्ने सो कार्यक्रमलाई विभिन्न संघ संस्थाहरुको पनि सहयोग रहने बताईएको छ। तमु समाज , मगर समाज, छन्त्याल समाज, थकाली समाज , शेर्पा समाज, तामांग समाज, रुपन्देही सामाजिक सञ्जाल अष्ट्रेलिया,गुठि अस्ट्रेलिया लगाएत विभिन्न संघ संस्थाहरुको सहयोग रहने जनाईएको छ। टेम्पि ट्रेन स्टेसनबाट रुपन्देही सामाजिक सञ्जाल अष्ट्रेलियाले निशुल्क यातायातको सुविधा उपलब्ध गराउने जानकारी गराएको छ। साथै उक्त दिन बुद्ध पूजा , बुद्ध दर्शन प्रवचन, ध्यान योगा, बुद्ध कप फूटबल ,भलिबल , म्यूजीकल चेयर लगायत अन्य धार्मिक, संस्कृतिक तथा खेलकुद सम्बन्धि कार्यक्रम रहनेछन। सो कार्यक्रममा सहभागि भई सफल बनाईदिनहुन अष्ट्रेलिया तथा सिड्नी वरपर रहनुहुने सबै महानुभावहरुलाई आयोजकले  अनुरोध गरेको छ।

Comments

comments

सम्बन्धित शिर्षकहरु