प्रहरी नै असुरक्षित

Members of the Nepal Police take part in a parade to mark "Loktantra Diwas" or Democracy Day celebrations in Kathmandu April 24, 2011. Nepal is celebrating the fifth anniversary of the reinstatement of democracy in the country, when former monarch King Gyanendra gave up absolute power following widespread protests. REUTERS/Navesh Chitrakar (NEPAL - Tags: ANNIVERSARY POLITICS)

माघ १५ । बाजुरा, सदूरपश्चिमका बाजुरा, बैतडी, दार्चुला, बझाङ र डोटी जिल्लाका जिल्ला प्रहरी कार्यालयका भवन पुराना र जीर्ण हुँदा प्रहरी नै असुरक्षित रहेका छन् ।

भवन पुरानो र जीर्ण भएकाले सुदूरपश्चिमका केही पहाडी जिल्लाका जिल्ला प्रहरी कार्यालयका भवनमा बस्ने प्रहरी नै असुरक्षित रहेको सुदूरपश्चिम क्षेत्रीय प्रहरी प्रमुख नायब महानिरीक्षक माधवप्रसाद नेपालले बताए ।

भवन जीर्ण हुँदा प्रहरी नै असुरक्षित छन्, जनतालाई कसरी सेवा दिन सक्छन् भन्ने जनतामा सूचना जान्छ, अर्कोतिर भूकम्प आएका बेला अरुलाई सुरक्षा गर्नुपर्ने ठाउँमा उनीहरु आफैँ असुरक्षित रहेको उनको भनाइ छ ।

जिल्ला प्रहरी कार्यालय बाजुराका प्रमुख प्रहरी नायब उपरीक्षक श्यामप्रसाद पौडेलले महिला थुनुवा कोठासमेत नहुँदा महिला थुनुवा आएमा महिला प्रहरीसँग राख्नुपर्ने बाध्यता रहेको बताउनुभयो । पानी पर्दा सिधैभित्र आउने, कार्यालय व्यवस्थापन र सञ्चालन गर्नमा निकै समस्या रहेको पौडेलको भनाइ छ ।

प्रहरी नायब उपरीक्षक मोहन पोखरेलले जिप्रका बैतडीको भवन पनि निकै जीर्ण रहेको, सामान्य पानी पर्दा पनि सिधै पानी भित्र आउने गरेको छ, प्रत्येक वर्ष प्लास्टिकले छोपेर चलाएको बताए ।

बाजुरा, बैतडी, दार्चुला, बझाङ, डोटीका जिल्ला प्रहरी कार्यालयका पुराना भवन निर्माणका लागि पटकपटक पहल भए पनि अहिलेसम्म निर्माण नभएको राजनीतिक अगुवाहरुले बताएका छन् ।

प्रत्येक वर्ष अर्थमन्त्रालयबाट १० प्रतिशतमात्र बजेट बढाएर दिन्छ, यसरी बजेट निकासाले प्रहरी कार्यालय अहिलेका संरचना निर्माण गर्न ११० वर्ष लाग्ने प्रनाम नेपालले बताए ।

Comments

comments

सम्बन्धित शिर्षकहरु