गजल – धन राज गिरी

गजल

न त बत्ती अँध्यारोमा ,न छ बाली खेतमा !
कस्तो पाडो पायौ भैंसी हरे दोस्रो बेतमा !!!!!!!

खडेरी छ इमानको घाट पुग्यो त्याग
अझै घाम लागेन रे नेपालीको चेतमा

सबै कुरा महङ्गो भो तर बिडम्बना !
बिकेको छ आज मान्छे ज्यादै सस्तो रेटमा

मिठा मिठा कुरा गर्दै झुक्याएर गयौ
के भन्ने हो हामीलाई अब अर्को भेटमा

सुनेको छु मुलुकले बोक्यो राहदानी
सुरक्षित हुन्छ अरे बरु उड्ने जेटमा-
धन राज गिरी । 

Comments

comments

सम्बन्धित शिर्षकहरु