सहमति हुन नसकेपछि संविधानसभाको बैठक स्थगित

nepali-constituent-assemblyसाउन २२। काठमाडौँ, प्रमुख राजनीतिक दलबीच संविधानका विवादित विषयमा सहमति हुन नसकेपछि संविधानसभाको बैठक सूचना टाँस गरेर स्थगित गरिएको छ ।

संविधानसभा सचिवालयका सहायक प्रवक्ता सुदर्शन कुइँकेलका अनुसार आज साँझ ५ बजेका लागि तय गरिएको बैठक भोलि शनिबार अपरान्ह ३ बजे बस्ने गरी स्थगित गरिएको छ ।

संवैधानिक राजनीतिक संवाद तथा सहमति समितिले जनताबाट प्राप्त सुझावका आधारमा विवादित विषयमा सहमति जुटाउने र सो समितिको प्रतिवेदन संविधान सभामा पेस हुने भन्दै संविधानसभाको बैठक आजका लागि बोलाइएको थियो । संवाद समितिअन्तर्गतको प्रमुख राजनीतिक दलका शीर्षनेता सम्मिलित विशेष समितिले विवादित विषयमा सहमति जुटाउन लागिपरेकाले थप समयको आवश्यकता महसुस गरिएको सचिवालयले जनाएको छ ।

प्रमुख दलका शीर्षनेता सम्मिलित विशेष समितिको बैठक अहिले सिंहदरबारमा जारी छ ।

Comments

comments

सम्बन्धित शिर्षकहरु